All posts by Akira

កម្មវិធីមហោស្រពវប្បធម៌កូរ៉េ លើកទី២ ប្រចាំឆ្នាំ២០១៨

មជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) នឹងប្រារព្ធធ្វើ កម្មវិធីមហោស្រពវប្បធម៌កូរ៉េ លើកទី២ ប្រចាំឆ្នាំ២០១៨ នៅថ្ងៃទី១៧​ និង ​១៨ ខែវិច្ឆិកា ឆ្នាំ២០១៨ ចាប់ពីម៉ោង ៧:៣០ ព្រឹកដល់ម៉ោង ៧:០០ ល្ងាចនៅក្មុងមជ្ឈមណ្ឌលសហប្រតិបត្តិការកម្ពុជា-កូរ៉េ  ក្នុងបរិវេណសាកលវិទ្យាល័យភូមិន្ទភ្នំពេញ។

នៅឆ្នាំ២០១៧ មហោស្រពវប្បធម៌កូរ៉េបានក្លាយពិធីបុណ្យដ៏ធំដំបូងបង្អស់ប្រចាំឆ្នាំរបស់មជ្ឈមណ្ឌលសហប្រតិបត្តិការកម្ពុជា-កូរ៉េ ដោយទទួលបានការគាំទ្រពីអ្នកចូលរួមជាង៣០០០នាក់។ តាមរយៈជោគជ័យនេះ កម្មវិធីមហោស្រពវប្បធម៌កូរ៉េនឹងប្រារព្ធធ្វើឡើងជាលើកទី២ នៅថ្ងៃទី១៧ និង១៨ ខែវិច្ឆិកា ឆ្នាំ២០១៨ ខាងមុខនេះ។

ព្រឹត្តិការណ៍ដ៏ធំនេះផ្តោតសំខាន់ទៅលើការបង្ហាញអត្តសញ្ញានៃវប្បធម៌កូរ៉េ ដែលប្រជាជនកូរ៉េហៅថា “Han Style” ដូចជា៖ម្ហូបអាហារកូរ៉េ សំលៀកបំពាក់ប្រពៃណីកូរ៉េ​​ អក្សសាស្រ្តកូរ៉េ ក្រដាសហាន់ជី ល្បែងប្រជាប្រិយកូរ៉េ និងតន្ត្រីកូរ៉េ។

អ្នកចូលរួមនឹងអាចទទួលបានបទពិសោធន៍ថ្មីៗជាច្រើនដូចជា ការសម្តែងសិល្បៈ ការប្រគុំតន្ត្រី K-pop ការលេងល្បែងប្រជាប្រិយកូរ៉េ ការផាត់មុខបែបស្តាយកូរ៉េ (K-beauty)  ការបង្រៀន និងប្រកួតធ្វើម្ហូបកូរ៉េ ការលេងល្បែងល្បងប្រាជ្ញាស្តីពីចំណេះទាក់ទងនឹងប្រទេសកូរ៉េ ការដើរទិញវត្ថុអនុស្សាវរីយ៍ និងម្ហូបឆ្ងាញ់ៗ និងការបណ្ដែតគោម ជាដើម។​ មហោស្រពវប្បធម៌កូរ៉េនេះប្រារព្ធធ្វើឡើងក្នុងគោលបំណងដើម្បីពាំនាំនូវទស្សនីយភាព និងចែករំលែកបទពិសោធន៍ល្អៗ ភាពសប្បាយរីករាយជូនដល់អ្នកចូលរួមទាំងអស់។

នៅក្នុងព្រឹត្តិការណ៍នេះលោកអ្នកគ្រាន់តែចំណាយត្រឹមតែប្រាំមួយពាន់រៀល(6000៛)សម្រាប់សំបុត្រចូលរួម លោកអ្នកនឹងអាចទទួលបានគូប៉ុងតំលៃ​បួនពាន់រៀល(4000៛)ត្រលប់ទៅវិញរួមជាមួយនិងឱកាសចូលរួមក្នុងសកម្មភាពកំសាន្តនានា ហើយនិងមានឱកាសទទួលបានរង្វាន់វត្ថុអនុស្សាវរីយនៅក្នុងកម្មវិធីនេះទៀតផង។

លើសពីនេះទៅទៀតចំណូលដែលទទួលបានពីការលក់សំបុត្រនឹងត្រូវបានដាក់ជាថវិការសប្បុរសសម្រាប់កម្មវិធីសប្បុរសធម៌របស់CKCCដែលនឹងប្រព្រឹត្តទៅនៅខែមិនាឆ្នាំ២០១៩ខាងមុខនេះ។

ទន្ទឹមគ្នានេះផងដែរ​ មហោស្រពវប្បធម៌កូរ៉េនេះអាចដំណើរការទៅបានគឺដោយសារមានការចូលរួមសហការឧបត្ថម្ភធំដោយ Singapore (Cambodia) International Academy (SCIA), ក្រុមហ៊ុន TrueMoney Cambodia ដែលសហការឧបត្ថម្ភដោយ Thefaceshop Cambodia, HDTelecom Cambodia, និងឧបត្ថម្ភដោយ Vital Premium Water, Obsidian&Skin79។

ប្រសិនជាលោកអ្នកចាប់អារម្មណ៍ចង់ជួលស្តង់ដើម្បីដាក់លក់ ឬផ្សព្វផ្សាយនូវផលិតផលរបស់លោកអ្នក​ នៅក្នុងព្រឹត្តការណ៍​ “មហោស្រពវប្បធម៌កូរ៉េ”។ លោកអ្នកអាចទំនាក់ទំនងមកកាន់លេខទូរស័ព្ទ 096​​ 227 8499 /096​ 360 2445 ឬតាមទំព័រហ្វេសប៊ុកដែលមានឈ្មោះថា CKCC: Cambodia-Korea Cooperation Center។​ ឬអាចចុះឈ្មោះ link ខាងក្រោមនេះ

https://www.facebook.com/rupp.ckcc/

សម្រាប់ពត៌មានបន្ថែមសូមទាក់ទង

  • លោក អែល រស្មី មន្ត្រីផ្នែកទំនាក់ទំនងសារធារណៈ
  • លោក ស្រ៊ី សុផា អ្នកហាត់់ការផ្នែកទំនាក់ទំនងសារធារណៈ
  • មជ្ឈមណ្ឌលសហប្រតិបត្តិការកម្ពុជា-កូរ៉េ
  • ទូរស័ព្ទ ០២៣ ៩៩៩ ៤៩៤/ ០៩៦ ២២ ៧៨ ៤៩៩/ 0៨៥ ៧២៣ ៦៨០/​ ០៩៦ ៣៦ ០២ ៤៤៥
  • អ៊ីម៉ែល [email protected] / [email protected]

ឱកាសការងារជាជំនួយការរដ្ឋាបាលនៅ UNDP

លក្ខខណ្ឌ៖

  • ជាសិស្សកម្រិត Secondary Education ឬ និស្សិតបរិញ្ញាបត្រផ្នែកគ្រប់គ្រង ឬជំនាញដែលពាក់ព័ន្ធ
  • មានបទពិសោធន៍ការងារ៥ឆ្នាំចំពោះ សិស្សកម្រិត Secondary Education និង ២ឆ្នាំចំពោះនិស្សិតបរិញ្ញាបត្រ ទៅលើវិស័យរដ្ឋាលទូទៅ
  • បទពិសោធន៍ក្នុងការប្រើប្រាស់គេហទំព័រ (Web) តាមរយៈប្រព័ន្ធគ្រប់គ្រងនានា
  • បទពិសោធន័ក្នុងការប្រើប្រាស់កំព្យូរទ័រ និង កម្មវិធី Office
  • ស្ទាត់ក្នុងការប្រើប្រាស់ភាសាអង់គ្លេស និងខ្មែរ

ផុតកំណត់៖ ថ្ងៃទី២០ វិច្ឆិកា ២០១៨ (គិតតាមម៉ោងទីក្រុង New York

សម្រាប់ព័ត៌មានលម្អិត៖ https://jobs.partneragencies.net

Facebook Page: UNDP Cambodia

ដំណើរទៅកាន់អាហារូបករណ៍ជុំវិញពិភពលោក

ជួបជាមួយវាគ្មិនដែលជានិសិ្សតអាហារូបករណ៍មកពីបណ្តាអាហារូបករណ៍ផ្សេងៗជុំវិញពិភពលោក ដែលពួកគាត់នឹងផ្តល់ជាវត្តមានក្នុងការចែករំលែកបទពិសោធន៍ ដើម្បីទទួលបានភាពជោគជ័យក្នុងការដាក់អាហារូបករណ៍បន្តការសិក្សានៅបរទេស និងទទួលបានចំណេះដឹងផ្សេងៗពីវាគ្មិនរបស់យើងនៅក្នុងថ្ងៃកម្មវិធីផ្ទាល់។

ជួបគ្នានៅ មជ្ឈមណ្ឌលសហប្រតិបត្តិការកម្ពុជា – កូរ៉េ (CKCC) សាកលវិទ្យាល័យភូមិន្ទភ្នំពេញមហាវិថីសហព័ន្ធរុស្ស៊ី, ទួលគោក, រាជធានីភ្នំពេញ។

ថ្ងៃអាទិត្យ ទី១១ ខែវិច្ឆិកា ឆ្នាំ២០១៨ ម៉ោង ៨:០០ព្រឹក ដល់ម៉ោង ១២:០០រសៀល។

**ចូលរួមដោយសេរី ដោយគ្រាន់តែធ្វើការចុះឈ្មោះតាមរយះLink ខាងក្រោមដើម្បីចូលរួមសិក្ខាសិលា:​ https://goo.gl/forms/orAMrs5p1OgmMGBC3

**សម្រាប់ពត៌មានបន្ថែមទាក់ទងនិងកម្មវិធី សូមទំនាក់ទំនង: 087 961 861 / 085 863 637

កម្មវិធី​ជំរំធម្មជាតិ​ក្រោម​ប្រធាន​បទ​ “ខ្ញុំធ្វើបាន”

តើ​អ្នក​ទាំងអស់​គ្នា​ធុញ​ថប់​ ​ធុញ​ទ្រាន់​ទៅ​នឹង​បរិយាកាស​ជុំវិញ​ខ្លួន​របស់​អ្នក​ ធុញ​ទៅ​នឹង​សម្ពាធ​ការងារ​ ការសិក្សា​រៀន​សូត្រ​ដែល​ឬទេ​? មាន​ធ្លាប់​គិត​ថា​ចង់​សម្រាក​ខ្លះ​ទេ? មាន​ធ្លាប់​គិត​ថា​ចង់​ទៅ​កន្លែង​មួយ​ដែល​ស្ងប់​ស្ងាត់​ និង​មាន​ខ្យល់អាកាស​បរិសុទ្ធ​​រួម​ទាំង​ធម្មជាតិ​ស្រស់​បំព្រង​ដែល​ទេ? ពេល​នេះ​មាន​កម្មវិធី​មួយ​បាន​មកដល់​ហើយ​ គឺជាកម្មវិធីដែលបង្កើតទ្បើងដើម្បីអោយយុវជននឹងប្រជាជនខ្មែរបានស្គាល់បន្ថែមនូវតំបន់ទេសចរណ៍មួយកន្លែងថ្មីទៀតដែលគេមិនធ្លាប់បានស្គាល់។ កម្មវិធី​ជំរំធម្មជាតិ​ក្រោម​ប្រធាន​បទ​ “ខ្ញុំធ្វើបាន”​ នឹងប្រព្រឹត្តទៅថ្ងៃបុណ្យ​អុំទូកថ្ងៃទី​២១-២២-២៣​​ ខែវិច្ឆកា​ ២០១៨​ ខាងមុខនេះ​។ កម្មវិធីនេះ​នឹង​ប្រព្រឹត្តិ​ឡើង​នៅក្នុង​ទីតាំងសហគមន៍ភូមិក្រាំងចេក ឃុំដងពែង ស្រុកស្រែអំបិល ខេត្តកោះកុង។ លើស​ពី​នេះ​ទៀត “​ភ្នំ​​ទ័ព​ជាង” ​ដែល​យើង​បាន​កំណត់​ជា​គោលដៅ​មួយ​សម្រាប់​បោះ​ជំរំនោះ គឺ​ស្ថិត​នៅ​ក្នុង​ភូមិ​ចំនួន​៣ជាប់​គ្នា​ រួម​មាន​ ភូមិព្រែកស្ទឹង​ ភូមិក្រាំងចេក​ និង​ភូមិបាក់អង្រុត។ ហើយ​ក៏​មានការចូលរួមរៀបចំពីយុវជនយុវនារីស្មគ្រ័ចិត្តដែលស្រលាញ់ការអភិវឌ្ឍន៍តំបន់ទេសចរណ៍។

ក្នុង​កម្មវិធីនេះរួមមានសម្មភាពកំសាន្តនឹងការប្រកួតប្រជែង​ជាច្រើនដើម្បីបញ្ចាក់ពីភាពរឹងមាំ​ការសាមគ្គីគ្នាជាក្រុម​ព្រមជាមួយសកម្មភាពកីទ្បាដើរឫរត់ទ្បើងភ្នំចូលព្រៃ​ដែលតំរូវអោយអ្នកចូលរួមតស៊ូព្យាយាមយកជ័យជំនះ​ ដើម្បីទទួលបានមេដាយកិត្តិយស។ ​ដោយក្នុងនោះមានរួមបញ្ចូលកម្មវិធីប្រកួតប្រជែងបែបកីទ្បាដើរ​រឺរត់កាត់ព្រៃ​ នឹងយល់ដឹងបន្ថែមពីសកម្មភាពប្រកួតកំសាន្តផ្សេងៗទៀតនៅក្នុងជំរំតង់ក្រុមដែលឈ្នះនឹងទទួលបានមេដាយកិត្តិយសជាក្រុមដែលពូកែហើយរឹងមាំ។

​ដោយទ្បែកដើម្បីអោយកម្មវិធីនេះកាន់តែមានដំណើរការកាន់តែទទួលបានជោគជ័យក្នុងការចូលរួមផ្សព្វផ្សាយតំបន់ព្រៃឈើមួយអោយប្រែក្លាយជាតំបន់ទេសចរណ៍​ ការចូលរួមរបស់លោកអ្នកពិតជាចំនែកមួយដ៍សំខាន់សំរាប់ការអិវឌ្ឍន៍នឹងផ្សព្វផ្សាយតំបន់ទេសចរណ៍មួយនេះ។

​នៅពេលដែល​លោក​អ្នក​បាន​ចូល​រួម​ក្នុង​ការបោះជំរំមួយនេះហើយ​ លោកអ្នកនឹងទទួលបានបទពិសោធន៍ថ្មីៗ ភាពសប្បាយរីករាយជាមួយបរិយាកាសធម្មជាតិវាលស្មៅដែលស្ថិតនៅលើភ្នំទព្ធ័ជាង​ ស្គាល់​មិត្តភ័ក្ដិ​ថ្មីៗ​ ទទួល​បាន​នូវ​ចំណេះ​ដឹង​អំពី​ការ​ដើរ​ព្រៃ​ភ្នំ​។

តម្លៃ​ចូល​រួម​គឺ​ ១០៩ដុល្លា រួមបញ្ចូលដូចខាងក្រេាម៖

  • មធ្យោបាយទៅមកដោយរថយន្ត
  • អាហារ ៨​ ពេល នឹងភេសជ្ជះ
  • តង់ស្អាតមួយសម្រាប់មនុស្ស២នាក់
  • ពូក១
  • អ្នកដឹកជញ្ចូនកាបូបរបស់អ្នក
  • អាវកីទ្បាសំរាប់ចូលរួមប្រកួត១
  • អ្នកណែនាំផ្លូវ
  • ការសង្គ្រោះបឋម
  • អ្នករៀបចំផ្លូវ
  • អ្នកថតរូប
  • ថ្លៃវិភាគទានដល់សហគមន៍

ដើម្បី​ចុះឈ្មោះ​ចូលរួម​ក្នុង​កម្មវិធី​នេះ​ យើង​ក៏​មាន​លក្ខខណ្ឌ​ក្នុង​ការ​ចូលរួមដូចជា៖

1/​ តម្លៃ​ចូលរួមនឹងត្រូវបង់បន្ទាប់ពីរបានចុះឈ្មោះរួចរយះពេល​ ៣ថ្ងៃ​។ លេខរៀងរបស់អ្នកនឹងត្រូវបានប្រគល់​ជូនទៅអ្នកដទៃ ប្រសិនបើមិនបានទំនាក់ទំនងជាមុនជាមួយក្រុមការងា​។

2/ កីទ្បាករកីទ្បាការនីទាំងអស់ត្រូវមកទទួលផ្លាកលេខនឹងអាវយឺតនៅ​ Cambodia Camping ថ្ងៃទី​១៨​ ខែវិច្ឆិកា​ ឆ្នាំ​២០១៨​។ សូមចូលទៅកាន់គេហទំព័រហ្វេសបុកផេក​ឈ្មោះ​ CAMID Explorer សំរាប់ទីតាំង​ចាប់ពីម៉ោង​ ៨ព្រឹក​រហូតដល់ម៉ោង​ ៧យប់ ( ចំណាំ​: ផ្លាកលេខ​នឹងអាវយឺតមិនអាចរង់ចាំបើកនៅថ្ងៃប្រកួតបានទេ)​សូមភ្ចាប់មកនូវជាមួយ​វិក័យបត្រ័ចុះឈ្មោះបង់ប្រាក់​។

3/ កីទ្បាកកីទ្បាការនីត្រូវចុះហត្ថលេខាលើបែបបទចូលរួមដោយខ្លួនឯង​ ( ប្រសិនបើអាកខានមិនបានមកទទួលបែបបទដោយសារប្រការណាមួយអាចទំនាក់ទំនងមកក្រុមការងា​ខេមីត​ )

4/ ការចុះឈ្មោះជាក្រុមនឹងត្រូវបែកចែក​ចេញពីគ្នាដើម្បីបូកបញ្ចូលជាមួយក្រុមផ្សេងៗតាមដែលក្រុមការងារបានកំណត់​( លើកលែងតែ​គូស្នេហ៍​ )

សម្រាប់ការចុះឈ្មោះ៖ https://docs.google.com/forms

សូមទាក់ទងមកកាន់ក្រុមការងាខេមីតសំរាប់ពត៌មានបន្ថែម​ 023 900 156 / 011777358

FB Page: Camid Explorer

ការប្រកួតប្រជែងតែងនិពន្ធកំណាព្យខ្មែរ

គម្រោងបណ្ណាល័យសម្រាប់ការអភិវឌ្ឍដែលជាគម្រោងបង្កើតឡើងដោយបណ្ណាល័យបញ្ញវន្តនឹងរៀបចំធ្វើកម្មវិធី “ការប្រឡងជ្រើសរើសស្នាដៃតែងនិពន្ធកំណាព្យ”

នេះគឺជាឱកាសមួយសម្រាប់អ្នកដែលមានឧបនិស្ស័យអក្សរសិល្ប៍ ពិសេសមានចំណាប់អារម្មណ៍ក្នុងការបញ្ចេញទេពកោសល្យ ឬស្នាដៃនិពន្ធកំណាព្យរបស់ខ្លួន

ការបង្កើតកម្មវិធីនេះឡើង ក្នុងគោលបំណងចង់លើកស្ទួយ និងថែរក្សាអក្សរសាស្រ្តជាតិខេមរា ជាពិសេសផ្នែកកំណាព្យនេះតែម្តង!

ប្រធានបទ៖ “គុណតម្លៃនៃបណ្ណាល័យ”

លក្ខខណ្ឌ៖

  • អក្ខរាវិរុទ្ធ៖ យកតាមវចនានុក្រមវិទ្យាស្ថានពុទ្ធសាសនបណ្ឌិត្យ (សម្តេចព្រះសង្ឃរាជ ជួន ណាត)
  • អក្សរ៖ កុំព្យូទ័រ (Font Unicode: Khmer OS system , ទំហំ៖ ១២)
  • ចំនួនល្បះ ៖ ចាប់ពី៥ ទៅ១០ល្បះ
  • តែងជាបទ៖ ប្រាំពីរព្យាង្គ

អ្នកចូលរួមប្រឡងទាំងអស់អាចផ្ញើស្នាដៃរបស់់លោកអ្នកមកកាន់អ៊ីម៉ែល [email protected]

  • ផុតកំណត់៖ ថ្ងែទី០៨ ខែធ្នូ ឆ្នាំ២០១៨
  • ថ្ងៃប្រកាសលទ្ធផល៖ ថ្ងៃទី២៨ ខែធ្នូ ឆ្នាំ២០១៨

សម្រាប់ព័ត៌មានបន្ថែម អាចទំនាក់ទំនងមកកាន់លេខ ០១០ ៤០៨ ៤៤៤។

FB Page: Library4Development – បណ្ណាល័យសម្រាប់ការអភិវឌ្ឍ